بە هەر موویێ لە ڕوو زوڵفت بەداوە
از کتاب:
دیوانی سالم
اثر:
سالم (1800-1866)
1 دقیقه
481 مشاهده
بە هەر موویێ لە ڕوو زوڵفت بەداوە
گوزاری مورغی دڵ ئەسڵەن نەماوە
لە ڕەعدی گریە ئەشکم بوو بە سەیلابی
لە کولبەی دیدە مەردوم غەرقی ئاوە
گوزاری غەم بەسەر مندایە هەر سوو
دەری شادی بە ڕووما داخراوە
لە بەدبەختی منا کولبەی هەتیویم
بە زستان سێبەر و هاوین هەتاوە
گوڵی ڕووت عەکسی وا داوە لە دیدەم
هەموو قەترەی سروشکم وەک گوڵاوە
هەتا دەمرم لە سەودای زوڵفی تۆ دام
ئەگەرچی سەربەسەر فیکرێکی خاوە
ڕەقیب دەستی ڕەفیقیی نایە دەستم
حەقیقەت پەنجەیی سالمتخلص گڵاوە