لە وادیی فیرقەتا ڕۆژم وەکوو زوڵفت شەوی تارە
از کتاب:
دیوانی سالم
اثر:
سالم (1800-1866)
1 دقیقه
878 مشاهده
لە وادیی فیرقەتا ڕۆژم وەکوو زوڵفت شەوی تارە
بە یادی چاوی بیمارت دڵم دایم بریندارە
مەگەر باعیس بە هیجرانە وە یا لێڵاوە بیناییم؟
کە وا ڕۆژی ڕووناک ئەمڕۆ لە بەرچاوم شەوی تارە
لە فیرقەت نەوگوڵی باغ و بەهاری عاریزی یارم
بە ئەشکی ئاڵی گوڵگوونم سەراپام ڕەنگی گوڵنارە
کە یادی پیرەهەن ئاڵی دەکەم دڵ وا بەتاو دەکوڵێ
سروشکی جۆششی گریانی چاوم ڕەنگی گوڵنارە
ئەگەر ئاهم گەلووگیر بێ لەدەورم شین ئەکەن یاران
هەموو شەو دەفعەیێ ئەم عیللەتە قانوونی بیمارتخلصە