لەناو زوڵفا بە ڕوو دڵداری مەستوور
از کتاب:
دیوانی سالم
اثر:
سالم (1800-1866)
1 دقیقه
763 مشاهده
لەناو زوڵفا بە ڕوو دڵداری مەستوور
دەسووتێنێ لە شەودا شەمعی کافوور
بتی شیرین دەهانی زوهرەچەشمم
دەبەخشێ نۆشی نەحل و نێشی زەنبوور
ئەگەر حۆری لە جەننەت بێنە دونیا
نەزەر ناکەم مەگەر بۆ ڕوویی مەنزوور
لە بەر کا گەر دڵم دیرعی تەهمتەن
بە تیری غەمزە هەر ئیماتە مەنسوور
لەبی تۆ بۆ تەبی من چارەسازە
بەڵێ عوننابە دارووی دەردی مەحروور
بە کەس ناگا خەراجی هیندوویی خاڵ
لە قەلعەی چینی زوڵفا بوو بە فەغفوور
بە حەسرەت دڵ وەکوو نەی دێتە ناڵین
لە لەبتا لەب، نەیاسا گەر بکەم دوور
دەبینێ هەر نەزەر سالمتخلص لە ڕووتا
هیلال و ئافتاب و لەیلی دەیجوور