تۆ دەریامی

تۆ دەریامی
بە ڕوانینی دوو چاوی شینی بێ بنت
بە خاوێنیت بە ئارامیت
تۆ دەریامی
بە شەپۆلی لەنجەولارت
بە تووڕەیی جاربەجارت
بە شەنگەژنیت
بە سامیت
تۆ دەشتی ئەوپەڕ نادیاری
بۆ چۆڵ بڕی لە پێ کەوتوو
تاپۆی شاری
تۆ ڕوح سووکی وەک خەونی خۆش
وەک هەناسە
جێ ناگری
لە توێی شیعرا چەشنی تاسە
تۆ تراوکەی جارێ دیار، گاهێ نەدیاری
هیوای تینوێتی ڕێبواری
تۆ شۆڕەبی ناو شۆرەکاتێکی گەرمی
لەبەر نیگای تاسەباری ئەویندارا
خۆ داپۆشیو بە لکوپۆی کەزیەی نەرمی
بەڵام ئەی کیژ
ئەی چاو نەرم
ئەی خەنجەری تۆڵەی ڕق تیژ
ئەمڕۆ من لە خەستەخانەم
نە وشیارم نە لەسەرخۆ
لایەکی بیرم لای ئەو گەنجەیە
بە دەمی برین پێکەنی
بەشوورەی وەک پۆڵای لەشی
ڕێگای چەکمەی سووری خوێن و
دەستی ڕەشی بەعساعلامی تەنی
لایەکی بیریشم لای تۆ
نا ئەی هەنیەت وەک مانگەشەو
نا دەریای مەندی چاوبەخەو
گڕی ئاخ بەر مەدە گیانم
بە نیگای ئاشنای لێ کوژراوان مەمتاسێنە
خۆم زامارم
بە خوێی توانج
مەمکولێنەوە، مەمسووتێنەوە
مەڵێ خۆزگە دەزگیرانم
پاڵەوپشتی ژیانم
بمردایە...!بەڵام ئەمڕۆ
کە هەر ساتێ دڵی دایکێ
لە کوردستانمکان هەڵئەقرچێ
بە هەر بۆمبای سووتێنەرێک، پێشمەرگەاعلامیەک
داری چاکێک دائەقرچێ
نەتکوتبایە لایەکی بیرم لای تۆیە
مەگری و مەڵێ دەزگیرانت ڕەنجەڕۆیە
بەو زارەی لە زەردە زیزە
بە ئارامی کە شێوەی دڵمەندی تۆیە
مەڵێ بەس ئەم گوفتوگۆیە
تۆ لات وایە
من نازانم
سکاڵای دڵداری خۆشە
بەڵام ئەمڕۆ من بەشێکی کوردستانمکانم
کیژی سەد برا کوژراوی نیشتمانم
تازەماسیی تاسەباری دەستی تینووت
ڕێی نییە بۆ دەریای سینەم
هێندی خوا خۆشەویستی
بەڵام من کیژێکی کوردم
جەهەننەمە گڕی سینەم