وەک قەدەح چاوم لەسەر دەست دائەنێم نانووم شەوێ
از کتاب:
دیوانی زێوەر
اثر:
زیور (1875-1948)
1 دقیقه
714 مشاهده
وەک قەدەح چاوم لەسەر دەست دائەنێم نانووم شەوێ
شەستپەڕی ڕووت تا لەناو باخی زەمانا سەرکەوێ
ئەنجوومی ڕوویی زەمین مەحون بە نووری تەلعەتت
وەک ستارەی ئاسمان مەحون شەفەق گەر دەرکەوێ
موتتەسیل تا سوبحدەم غەرقی خەیاڵی ڕوویی تۆم
عاجزە، تۆراوە لێم، خۆ هەر نزیکم ناکەوێ
عاشقان هەر یەک لە پێشتر خۆ بە قوربانت ئەکەن
ڕەببی قڕیان تێ کەوێ نۆبەم کە هەر بەرناکەوێ
گەر چی دەرمانە نیگاهت بۆ برینی نێو دڵان
تەبعی ناسازە دڵی من ئەم دەوای پێ ناکەوێ
کافر و ئیسلام موقابیل بوون لە شاری حوسنی تۆ
باعیسی چی بێ کە ئیسلام دەفعەیێ سەر ناکەوێ!
زێوەرتخلص ی دڵ پڕ موسیبەت بەندە بۆ خزمەتگوزار
مەیکوژە ئێجگارەکی عەبدی وەهات دەس ناکەوێ