بنواڕە نەوبەهار و هەوای تەراوەتی
از کتاب:
دیوانی زێوەر
اثر:
زیور (1875-1948)
1 دقیقه
1193 مشاهده
بنواڕە نەوبەهار و هەوای تەراوەتی
نووساندی پێکەوە لەبی غونچە حەلاوەتی
هێنایە شەوق و زەمزەمە تەیرانی سەر زەمین
سەرما بڕایەوە هەموو توندیی و سەلابەتی
هەورەبرووسکە بۆتە سەقا ئاوڕشین ئەکا
تا، سەبزەزاری ئەرزی موجەللا بێ سەفوەتی
ئەم عەردە مردووە هەموو ڕۆحی کرایە بەر
گۆڕاوە سەربەسەر هەموو دنیا قیافەتی
بادی سەبا بە جیلوە قەدی گوڵبونی لەران
گوڵ زاری کردەوە کە بکا شوکری نیعمەتی