ئاوەکەی سەرچنار
گۆرانیی سەرچنار
از کتاب:
دیوانی بەختیار زێوەر
اثر:
فایق زیور (1908-1952)
1 دقیقه
831 مشاهده
ئاوەکەی سەرچنار
چاوگەکەی نیشتمان
لای منی دەردەدار
تۆی شیفابەخشی گیان
***
یەک دڵۆپ ئاوی تۆ
گەر بگاتە دەمم
لائەبا بێ درۆ
دەستبەجێ گشت غەمم
***
سەیر ئەکەم پڕ بەهەشت
خاوەنی چیمەنی
بۆیە هەروەک بەهەشت
گوڵشەنی دیمەنی
***
ئاوەکەی سەرچنار
کەوسەری سەرزەمین
تۆ دەسی کردگار
پێتی بەخشیوە ژین
***
هەڵقوڵە هەر بە جۆش
ڕێڕەوت گەوهەرە
ئاوی پیرۆز و خۆش
لوتفی خوات لەسەرە
***
تۆم هەبی پاک و ڕوون
جێگە سەیرانی عام
بۆ تەواوی دەروون
ناچمە لوبناناعلام و شاماعلام
***
ئەودەمەی جار بە جار
دێمە سەیران لەلات
بانگ ئەکەم پڕ بە زار
گەییمە ئاوی حەیات