باوەڕ مەکە بە ڕیشی درێژ پرچی گرژ و لوول
از کتاب:
دیوانی بەختیار زێوەر
اثر:
فایق زیور (1908-1952)
1 دقیقه
1125 مشاهده
باوەڕ مەکە بە ڕیشی درێژ، پرچی گرژ و لوول
ئیمانی پوختی مەتڵەبە ئەمری خودا و ڕەسوول
سۆفی وەرە بەحەزرەتی شێخ سوێندی تۆ ئەدەم
بەسیە گورێز و خەڵوە و دانیشتنی مەلوول
بەم گرمەگرم و دەنگە کە عالەم لە خەو ئەکا
ئایا کەلامی ئێزەدی بۆ تۆ ئەکا نزوول
ڕێیەکی ڕاستە دینی موبینی محەمەدی
ئیفراتی ناوێ، لادە لە فیکری بەد و فزوول
ئنجا بە سیدقی سافەوە ڕەنجێ بدە هەتا
یەزدانی پاک موعاوینی تۆ بێ على الأصولعربی
دەروێش لە داخی حاڵەتی تۆ دڵ موشەووەشە
بەم زیللەتە سەعادەتی دونیات ئەکا ئوفوول
فایقتخلص دەمێکە تەرکی خەرافاتی کردووە
ئیمانی ساغە، بۆ چی لە ڕێی حەق بکا عدول