تەڵاکەی جەمین قاڵ بۆتەی عەشق
از کتاب:
ئەو شیعرانەی دراونەتە پاڵ مەولەوی
اثر:
مولوی (1806-1882)
1 دقیقه
803 مشاهده
تەڵاکەی جەمین قاڵ بۆتەی عەشق
پەی ئوستادەکەی ئەکسیر سەرمەشق
کەردەن وە مەفرەغ بۆق سەفرای دەرد
خەریدارەکەم مەیلش کەردەن سەرد
سەر تەرکیبەکەی مەجرای میهر و مەیل
سەوداش لادۆ شەو نە جەستەی کەیل
تا ئەشرەفی ڕەنگ سککەی زەرب جەور
چەنی مروارید سەدەف کاسەی سەور
وەخت عەرز حوسن ئەر ڕێزۆ سەروەش
لێم قەبووڵ کەرۆ جە باتی پێشکەش
مەعلوومەن زەڕێ ناڕەوای شار بۆ
تا قبووڵ تەبع ئەهل بازاڕ بۆ
کەس جە خاس و عام نمەگنۆش نەوەند
جە هەر دیارێ مەبۆ وە ڕیشخەند
بەڵ جەو کەمینەم جە زاڵ یۆسوفاعلام
پەی قەڵبی مایەم کێشۆ تەئەسوف
وەس نییەن جە بەین بەزمەکەی یاران
ماچان ئێدیچ یۆن جە خەریداران