tełakey cemîn qał botey ’eşq
Li pirtûka:
Ew Şî’raney Dirawnete Paɫ Mewlewî
Berhema:
Mewlewî (1806-1882)
1 Xulek
1074 Dîtin
tełakey cemîn qał botey ’eşq
pey ustadekey eksîr sermeşq
kerden we mefreẍ boq sefray derd
xerîdarekem meyliş kerden serd
ser terkîbekey mecray mîhir û meyl
sewdaş lado şew ne cestey keyl
ta eşrefî řeng sikkey zerb cewr
çenî mirwarîd sedef kasey sewr
wext ’erz ḧusin er řêzo serweş
lêm qebûł kero ce batî pêşkeş
me’lûmen zeřê nařeway şar bo
ta qibûł tebi’ ehil bazař bo
kes ce xas û ’am nimegnoş newend
ce her dyarê mebo we řîşxend
beł cew kemînem ce zał yosufNava taybet
pey qełbî mayem kêşo te’esuf
wes nîyen ce beyn bezmekey yaran
maçan êdîç yon ce xerîdaran