تەسکین دڵەی پڕ جە خارەکەم
از کتاب:
ئەو شیعرانەی دراونەتە پاڵ مەولەوی
اثر:
مولوی (1806-1882)
1 دقیقه
1022 مشاهده
تەسکین دڵەی پڕ جە خارەکەم
دەرمان زامان بێ قەرارەکەم
نامەکەت کیاست وە لای من یاوا
پەیاپەی نە ڕووی دوو دیدەم ساوا
دەروونت وە کوڵ جۆش ئاوەردە بێ
کزەی دووریی وێت ئیزهار کەردەبێ
دێوناتەوە دەرد، کوورەی دەروونم
کولناتەوە زام، دڵەی پڕ هوونم
نمازی ساتێ ڕاحەت بوون پەی وێم
دەک بێبەڵا بای چێش مەکەری پێم
من خۆ کەم زووخاو هیجرانم وەردەن
ئەمجار کزەی تۆیچ تەمامم کەردەن