ناڵەی پیری پیران
از کتاب:
دیوانی پیرەمێرد
اثر:
پیرمرد (1867-1950)
1 دقیقه
571 مشاهده
ڕەهنومای گومبووی هەردەی هەوایی
ئەلەکتریکی تەلی بینایی
ڕێم لێ شێواوە و گردەنشینم
بیناییم لێڵە و تۆی پێ نابینم
ڕێگام نیشان دە پادشای بزورگ
گورگی بۆزت کرد بە دەلیل بۆ تورک
«یونسشخص» ت لە ناو زگی ماسیدا
ژیان و چرای لیقای خۆت پێدا
ئەو «لا إلاە إلا أنتعربی» ەی وت
بەزەییت پیا هات ڕەحمت بۆی بزووت
من لە ئەزەڵدا ئەمەم کردە بەر
بۆیە باوەڕم کرد بە پێغەمبەر
ناشمەوێ ببم بە فرستادەت
تەنها سەرخۆش بم بە نەشئەی بادەت
هۆشێکیت داومێ کە دنیام نەوێ
خۆشەویستی تۆم ئەگەر بەرکەوێ
با وجود قەهرت پیاو دەسووتێنێ
کەڵکی خواردنی خۆشی نامێنێ
قەی ناکا ئیتر هیچی خۆش ناخۆم
تەنها مەیلێکی خۆت بنێرە بۆم