بەستەی کوردی
از کتاب:
دیوانی پیرەمێرد
اثر:
پیرمرد (1867-1950)
1 دقیقه
1159 مشاهده
وا بەیانە گزنگی خۆر دەرکەوت
نمی شەونم بە تیشکی ڕۆژ سەرکەوت
غونچەگوڵ خۆنواندنی بەر کەوت
بلبلیش شۆڕی خستە ناو گوڵزار
***
لالە تارایە بۆ پەری شاخان
فێنکی گیانە بادی لەیلاخان
دەمی ئێوارە سێبەری باخان
خۆشە بۆ یار و بادەیی سەرشار
***
ئەم تەرانەی گوڵ و ملە گیانە
بێ تۆ لای من ژیانی زیندانە
جەژن و شادیم هەمیشە گریانە
من و بلبل جووتە زار و هەژار
***
فێری فرمێسکمە گوڵاڵەی دەورم
وا لە داخی تۆ بێوەفا ئەمرم
چاوەڕێم کەوا بێیتە سەر قەبرم
بە هەوات زیندوو ببمەوە دوو جار
***
لە بەهەشتا بە یادی تۆ شادم
بە تەماشای فریشتە ئازادم
جەننەت ئەفرۆشم ئادەمیزادم
بە نیگاهێکی دیدەیی بیمار