هاتن شەهیدەکان
بۆ گیانی قارەمانانی کورد
از کتاب:
دیوانی پیرەمێرد
اثر:
پیرمرد (1867-1950)
1 دقیقه
1230 مشاهده
هاتن شەهیدەکان بە جلی سووری خوێنەوە
دایکی وەتەن دەهەڵسە سڵاویان بسێنەوە
شێخ قادرە لە پێشەوە سەرقافڵەی ئەوان
چەند جوانە خوێن و ڕیشی سپی، پیر و نەوجەوان
سەیری ئەمانە کە: هەمووی کوردی سەفشکەن
گیانیان پێشکەش ئەکرد و ئەیانوت بژی وەتەن
قوربانی تۆن بەڕیزە کە غەم لە بەر نەبی
بۆ ئێمە مردنە ئەگەر ئازادەسەر نەبی
مەگری، مەناڵە، با بە خەفەت دڵشکست نەبن
نەختێ لەلات ئەمێننەوە بۆ بەهەشت ئەچن
من وام ئەوێ کە حەشر ئەکرێم خوێن بە بەرگەوە
بەم عەشقی میللیەوە بە کزە و سۆزی جەرگەوە
ئەو ئاگرەی لە دڵمەوە بەر بێتە کفنەکەم
تا دوژمنم نەکا بە زووخاڵ، شەرتە پف نەکەم