آگاهی سلطان روح از تسخیر اقلیم شرع و حبس سلطانش بواسطه‌ی عقل کامل
از کتاب:
کۆمەڵەی شیعری فەقێ قادری هەمەوەند
اثر:
فقی قادر هموند (1830-1890)
2 دقیقه
704 مشاهده
تۆ نە شاهـ ڕۆح سوخەن بدەر گۆش
جلووس بی نە تەخت، خەرقەی لاڵ نە دۆش
سەرمەست بی نە شەوق تاج حوزووری
مەبەخشا بادەی زەوق و سورووری
ناگاهـ پەیدا بی پەیکێ جە وەزیر
سوجدەی تەختش بەرد تەقدیم کەرد تەحریر
سپەرد بە دەبیر نامە بە تەعجیل
واناش عەریزەی وەزیر کامیل
واقیعەی ئەتراف، رۆزنامەی ئەخبار
یەکیەک پەی سوڵتان کەردەبێ ئیزهار
هەم تەسخیر موڵک شاهـ شەریعەت
هەم مەکر ئەفسوون سوڵتان بیدعەت
چتەور تەفرە وەرد عیشق مەجازی
بە حوبب دنیا کەردشان ڕازی
ئەو لەعین شووم بە دام و تەزویر
سوڵتان زەمیر بەستەن بە زەنجیر
شەرعەن سەرچەشمەی ئەنهار ڕەحمەت
زەرع تەریقەت بەو گێرۆ قووەت
شەریعەت ئەبرەن، باران تەریقەت
حەقیقەت خاکەن، نەبات مەعریفەت
«أشرف الجبالعربی» زەمین کۆی توورەن
کەی چون دڵ دائیم سەرچەشمەی نوورەن؟!
یەکبار تەجەللای کیبریای ئەقدەس
عەکسش دا نە توور کەردش بە قەقنەس
دڵ هەر ڕۆ مەعکووس عەکس سیفاتەن
هەر ڕۆ نەزەرگای تەجەللای زاتەن
زەمیرێ وەیتەور گەاج عیرفان بۆ
کەی ڕەوان ئەمیر ئەو گەنج شەیتان بۆ؟!
قاپیی هەر ئیقلیم ئیقلیم شەرعەن
هەم شەرعەن حافیز مەزرەعەی وەرعەن
موڵک دڵ تەریق ئەسڵ مەقسوود بۆ
حەیفەن وە مەسکەن دێو مەردوود بۆ
ئەو مەزرەعەی موڵک، ئەو لەعل نەفیس
پاماڵ بۆ نە زوڵم لەووامەی خەبیس
ئەگەر مەیلشەن شای بوڵەند ئەختەر
پەی تەسخیر موڵک مەکێشوون لەشکەر
بە تەوفیق حەق دانای جیهاندار
زەمیر مەکەم پاک جە دێو مردار
عەریزەی وەزیر یاوا بە خیتام
ئەمر سادر کەرد سوڵتان جەم جام