agahî siltan ruḧ az tisxîr aqlîm şir’ û ḧibis siltanş bwastey ’iqil kamil
Li pirtûka:
Komele Şîrî Feqê Qadirî Hemewend
Berhema:
Feqê Qadrî Hemewend (1830-1890)
2 Xulek
709 Dîtin
to ne şah řoḧ suxen bider goş
cilûs bî ne text, xerqey lał ne doş
sermest bî ne şewq tac ḧuzûrî
mebexşa badey zewq û surûrî
nagah peyda bî peykê ce wezîr
sucdey textiş berd teqdîm kerd teḧrîr
siperd be debîr name be te’cîl
wanaş ’erîzey wezîr kamîl
waqî’ey etraf, roznamey exbar
yekyek pey sułtan kerdebê îzhar
hem tesxîr mułk şah şerî’et
hem mekir efsûn sułtan bîd’et
çitewr tefre werd ’îşq mecazî
be ḧubib dinya kerdişan řazî
ew le’în şûm be dam û tezwîr
sułtan zemîr besten be zencîr
şer’en serçeşmey enhar řeḧmet
zer’ terîqet bew gêro quwet
şerî’et ebren, baran terîqet
ḧeqîqet xaken, nebat me’rîfet
«eşirf alicbalErebî» zemîn koy tûren
key çun dił da’îm serçeşmey nûren?!
yekbar tecellay kîbryay eqdes
’eksiş da ne tûr kerdiş be qeqnes
dił her řo me’kûs ’ekis sîfaten
her řo nezergay tecellay zaten
zemîrê weytewr گەاج ’îrfan bo
key řewan emîr ew genc şeytan bo?!
qapîy her îqlîm îqlîm şer’en
hem şer’en ḧafîz mezre’ey wer’en
mułk dił terîq esił meqsûd bo
ḧeyfen we mesken dêw merdûd bo
ew mezre’ey mułk, ew le’il nefîs
pamał bo ne zułim lewwamey xebîs
eger meylşen şay bułend exter
pey tesxîr mułk mekêşûn leşker
be tewfîq ḧeq danay cîhandar
zemîr mekem pak ce dêw mirdar
’erîzey wezîr yawa be xîtam
emir sadir kerd sułtan cem cam