در بیان اقلیم هشتم کە اسمش تشکیل جدید است و آمرزش الخناس است علیە اللعنە
از کتاب:
کۆمەڵەی شیعری فەقێ قادری هەمەوەند
اثر:
فقی قادر هموند (1830-1890)
2 دقیقه
790 مشاهده
ئیقلیم هەشتەم باوەر بە دەفتەر
موڵک جە سیمەن پڕ خەوف و خەتەر
ئیقلیم مەزکوور زەرعش مەعموورەن
ئیسمش بە تەشکیل جەدید مەشهوورەن
یەک شەهر عەزیم نەو مەرز و بوومەن
ئیسمش بە «فەساد ئاباداعلام» مەعلوومەن
ئیهانەت چەنی تەزویر و توهمەت
فیسق و عوشرەت و خەجڵەت و نەکبەت
یەکسەر لەواقیح شەهر فەسادەن
جای ئەلخەنناسەن، حوکمش زیادەن
ئەلخەنناس ئەمیر موڵک هەشتەمەن
سەردار سوپای نەفس نەدەمەن
ئاشووبەی ئەییام ئەفسوون ئەساسەن
یاوەر حەربش هەردەم وەسواسەن
هەم سوڵتان نەفس ئەوجا بەخشان پێش
هەم ئەوەن سەردار سوپای بەدئەندێش
هەم سەردار سەخت هەم پەهلەوانەن
عوجووبەی دەوران، فیتنەی زەمانەن
فرزەند ئەرشەد ئیبلیس شوومەن
ئیسمش جە ئایەی قەدیم مەعلوومەن
مناجات مؤلف
یا ڕەب بە حورمەت شاهی «خیر الناسعربی»
حیفزم کەر نە شەڕ فیتنەی ئەلخەنناس
هەرچەند ڕووسیام سکەم سفیدەن
ئومێدم ئەڵتاف زات وەحیدەن
سەراپام غەریق دەریای گوناهەن
هەر ئەعزام مەئموور نەفس گومڕاهەن
بدەر نەجاتم جەی بەحر قەلزووم
سەر ئازادم کەر جە نەفس زەلووم
یا ڕەب عەفوم کەر جەی گونای بێشۆ
ئومێدم نییەن غەیر جە قاپیی تۆ
ئەر تۆ نەکەی ڕەحم «خیر الراحمینعربی»
کێ هەن کەرۆ ڕەحم بەی بەندەی حەزین
«فەقێتخلص» ها ئەوساف ئیقلیم بی تەمام
بەر موحەممەد بۆ سەلات و سەلام