dir byan aqlîm hiştim ke asimş tişkîl cidîd ast û amirziş alxinas ast ’ilye alli’ine
Li pirtûka:
Komele Şîrî Feqê Qadirî Hemewend
Berhema:
Feqê Qadrî Hemewend (1830-1890)
2 Xulek
764 Dîtin
îqlîm heştem bawer be defter
mułk ce sîmen piř xewf û xeter
îqlîm mezkûr zer’iş me’mûren
îsimş be teşkîl cedîd meşhûren
yek şehir ’ezîm new merz û bûmen
îsimş be «fesad abadNava taybet» me’lûmen
îhanet çenî tezwîr û tuhmet
fîsq û ’uşret û xecłet û nekbet
yekser lewaqîḧ şehir fesaden
cay elxennasen, ḧukimş zyaden
elxennas emîr mułk heştemen
serdar supay nefis nedemen
aşûbey eyyam efsûn esasen
yawer ḧerbiş herdem weswasen
hem sułtan nefis ewca bexşan pêş
hem ewen serdar supay bed’endêş
hem serdar sext hem pehlewanen
’ucûbey dewran, fîtney zemanen
firzend erşed îblîs şûmen
îsimş ce ayey qedîm me’lûmen
minacat mؤlif
ya řeb be ḧurmet şahî «xîr alnasErebî»
ḧîfzim ker ne şeř fîtney elxennas
herçend řûsyam sikem sifîden
umêdim ełtaf zat weḧîden
serapam ẍerîq deryay gunahen
her e’zam me’mûr nefis gumřahen
bider necatim cey beḧir qelzûm
ser azadim ker ce nefis zelûm
ya řeb ’efum ker cey gunay bêşo
umêdim nîyen ẍeyr ce qapîy to
er to nekey řeḧim «xîr alraḧmînErebî»
kê hen kero řeḧim bey bendey ḧezîn
«feqêNasnava edebî» ha ewsaf îqlîm bî temam
ber muḧemmed bo selat û selam