بیان ترتیب درودنامە
از کتاب:
کۆمەڵەی شیعری فەقێ قادری هەمەوەند
اثر:
فقی قادر هموند (1830-1890)
1 دقیقه
828 مشاهده
جە ماددەی دروود پەی تەسهیل کار
باوەڕ بە دەفتەر تەرجومەی ئەفکار
ئەی «دلائل الخيراتعربی» پەیدا کەر
تا نەبی ماتڵ جە سەحرای مەحشەر
مەعلووم چەند حەدیس نەقڵەن نە دروود
هەرکەس بوانۆ مەوینۆ مەقسوود
ئێد کەردن مەعلووم سینف عولەما
هەرکەس بوانۆ دروود با دوعا
بزانۆ مەعناش پڕ دارۆ سەواب
دوعای تەزەڕڕوع خوفیەن موستەجاب
مەئزوونەن هەرکەس بوانۆن دروود
ئینشەڵڵا نائیل مەبۆ بە مەقسوود
بەو شەرت پەی نەبیی و پەی ئال و ئەسحاب
وانۆ بە ئیخلاس «فاتح الكتابعربی»
چەنی سێ دروود «فاتح الكتابعربی»
ڕەوان کەرۆ پەی ڕۆح نەبی سەواب
دووەم بەو دەستوور من کەردم تەعریف
فاتیحە و ئیخلاس پەرێ موئەللیف
بکەرۆ هەدیە هەر یەک بە جای وێش
ئەوسا بوانۆ دروود بێئەندیش
مەرووییەن حەدیس شاهـ ئەنبیا
هەرکەسێ هەر ڕۆز «أسماء الحسنیعربی»
ویردش کۆ مەدام بوانۆ یەک بار
جە «يوم المحشرعربی» ئازادەن جە نار