بیان ترتیب درودنامە
لە کتێبی:
کۆمەڵەی شیعری فەقێ قادری هەمەوەند
بەرهەمی:
فەقێ قادری هەمەوەند (1830-1890)
1 خولەک
856 بینین
جە ماددەی دروود پەی تەسهیل کار
باوەڕ بە دەفتەر تەرجومەی ئەفکار
ئەی «دلائل الخيراتعەرەبی» پەیدا کەر
تا نەبی ماتڵ جە سەحرای مەحشەر
مەعلووم چەند حەدیس نەقڵەن نە دروود
هەرکەس بوانۆ مەوینۆ مەقسوود
ئێد کەردن مەعلووم سینف عولەما
هەرکەس بوانۆ دروود با دوعا
بزانۆ مەعناش پڕ دارۆ سەواب
دوعای تەزەڕڕوع خوفیەن موستەجاب
مەئزوونەن هەرکەس بوانۆن دروود
ئینشەڵڵا نائیل مەبۆ بە مەقسوود
بەو شەرت پەی نەبیی و پەی ئال و ئەسحاب
وانۆ بە ئیخلاس «فاتح الكتابعەرەبی»
چەنی سێ دروود «فاتح الكتابعەرەبی»
ڕەوان کەرۆ پەی ڕۆح نەبی سەواب
دووەم بەو دەستوور من کەردم تەعریف
فاتیحە و ئیخلاس پەرێ موئەللیف
بکەرۆ هەدیە هەر یەک بە جای وێش
ئەوسا بوانۆ دروود بێئەندیش
مەرووییەن حەدیس شاهـ ئەنبیا
هەرکەسێ هەر ڕۆز «أسماء الحسنیعەرەبی»
ویردش کۆ مەدام بوانۆ یەک بار
جە «يوم المحشرعەرەبی» ئازادەن جە نار