بِسْمِ ٱللّٰهِ ٱلرَّحْمَٰنِ ٱلرَّحِيم
لە کتێبی:
کۆمەڵەی شیعری فەقێ قادری هەمەوەند
بەرهەمی:
فەقێ قادری هەمەوەند (1830-1890)
1 خولەک
1201 بینین
علي العظيم! علي العظيم!عەرەبی
شەهەنشای بێباک! علي العظيم!عەرەبی
مەگێروو پەنا بە زات عەزیم
حیفزم کۆنە شەڕ شەیتان ڕەجیم
ئیبتیدا بە ئیسم زات «اللهعەرەبی» ەن
ئافەرینندەی جوملە ئەشیاهەن
بێ میسل و بێ چوون، زاتش سوبحانەن
بەخشایندەی ڕزق، هەم میهرەبانەن
ڕۆزی بەخشندەی بێ موزد و میننەت
ڕەحیم بەر موئمین بە ئیعتای جەننەت
هەر تۆنی قابیل حەمد و سەنانی
ساحێب ئەکوان عالەمییانی
ئەو دەهەندەی ڕزق جە دار دنیا
بەر موئمین ڕەحیم ئەوەن جە عوقبا
هەم تۆنی سوڵتان سەحرای قیامەت
جەزای موکافات جە تۆ هەن نەشئەت
غوڵامی پەی تۆن زات لایەمووت!
هەم جە تۆن تەڵەب حبووبات قووت
نیازم ئێدەن زات بێمنەت!
نە ڕای موستەقیم بدەر هیدایەت
هەم ئەو ڕاگەی ڕاست پێمان کەر ئیحسان
کەردی بە نیعمەت زومرەی سادقان
من مەکەر مەحسووب زومرەی مەغزووبان
ئەوکەس جە دارەین بەر گەشتەی گومڕان
یاڕەب جە غەزەب وێت من کەر ئەمین
مەحفووز کەر بە لوتف «فەقێناسناوی ئەدەبی» یی حەزین