کەی لە کن ئەحمەق دەبێ حاجەتی دانا ڕەوا
از کتاب:
دیوانی مەحوی
اثر:
محوی (1836-1906)
1 دقیقه
6610 مشاهده
کەی لە کن ئەحمەق دەبێ حاجەتی دانا ڕەوا!
قەت دەکرێ چەرمەکەر یا بە عەبا یا کەوا!
بەخششی دنیا مەخۆ، یەعنی بە نانێکی جۆ
خۆ مەکەرە بەر منەت پیرەژنی نانەوا
ئێستە کە دەستت دەگا پێ بسووە بۆ نەجات
حەیفە لە دنیا بڕۆی کامی دڵت ناڕەوا
گریە: دەجۆشێ لەوێ، ئاهە دەبێ نەسرەوێ
نەمدی وەک ئیقلیمی عیشق جێگە بە ئاب و هەوا
دینتم ئیمانە خۆ، کوفرە نەگەینم بە تۆ
قوڕ بە سەرم، دینە، چوو؛ کافرییە، بوو ئەوا
ئاگری داغی دڵم پەنبەیە، ساغت دەوێ
نیمە وەکوو چاوی یار تاقەتی نازی دەوا
کێیە دەڵێ بێ نەوا کەس نیە مەحویتخلص نەبێ،
بێت و لە هەر بن مووێ دا ببیێ سەد نەوا