شین بۆ خەمین
از کتاب:
شاری دڵ
اثر:
سید کامل امامی (1903-1989)
2 دقیقه
660 مشاهده
ڕۆیی ئەو بولبولی باغی مەلەکووت
عالم و هۆنەر و عارف بە سبووت
فرە کێشاوییە مەینەت بۆ کورد
قەت هەدادانی نەبوو تاکوو مرد
ئەی دەمم بشکێ، کوتم مرد؟! ماوە
خەوتووە، تۆزێ وەنەوزی داوە
هەربینا ڕابێ لە خەو دووبارە
تێبکۆشێتەوە بۆ ئەو کارە
یانی هەر بۆ گەلی خۆی تێکۆشێ
کەموکووڕی گەلەکەی داپۆشێ
نامرێ پیاوی خودالێخۆشبوو
زاهیری ڕۆیی، لە پێش چاوان چوو
«شێخ عەلیشخص» کاکە، «خەمینشخص»ی شۆرەت
تەمەنی کەم بوو، بەڵام بێ مۆڵەت
ئەجەلی هات و گوڵی عومری ڕفاند
عالەمێکی بە غەم و غوسسە مراند
خاوەنی سفرە و خوان بوو، ڕۆیی
هاودەمی پیر و جەوان بوو، ڕۆیی
ڕەونەقی هۆنەرەکان هەر ئەو بوو
خۆشی ئاواتی دڵان هەر ئەو بوو
ئێستە «ئاواتتخلص» بە تەنێ ماوەتەوە
نەتەوی، داوی لە ڕێی ناوەتەوە
هەربینا پێوەبوو ئەو بێچارە
هاتە خزمەت تۆ «عەلی» گیان! دیارە
چ بکا؟ ناژی بەبێ تۆ تازە
دوور لە تۆ کەوتووە، زۆر بێ نازە
ژینی چی، شاعیری چی، هاودەمی چی؟
عومر ئەگەر مابێ لە زۆر و کەمی چی؟
هۆنەرێک بووم و لە شێعرا زاڵ بووم
بێ تۆ مات و لە زمانم لاڵ بووم
تۆ منیشت وەکوو خۆ بێ دەنگ کرد
بێ وتە و بێ هونەر و بێ ڕەنگ کرد
لێرەدا دوایی دەهێنم بە وتار
کوا وتارم هەیە؟ کوا سەبر و قەرار؟