دەردی کورد
از کتاب:
شاری دڵ
اثر:
سید کامل امامی (1903-1989)
1 دقیقه
666 مشاهده
دەردی کوردم گرتووە، چ بکەم ئەمن؟!
تەیری بەختم مردووە، چ بکەم ئەمن؟!
یەکنەبوون و ڕێکنەبوون و لێکپسان
ژەهری دووریم چێشتووە، چ بکەم ئەمن؟!
باری یەکجار زۆر گرانی قەومەکەم
ئەمنی یەکجار خستووە، چ بکەم ئەمن؟!
ڕیسی چەند ساڵەم، تەشیڕێسی زەمان
پێچەوانەی ڕستووە، چ بکەم ئەمن؟!
یەکنەبوونی دوو برای ئازا و نەبەز
ڕێی نەجاتی بەستووە، چ بکەم ئەمن؟!
وا نەیاری بەدمەسەب بۆ ئەو دووە
سەد پلانی ڕشتووە، چ بکەم ئەمن؟!
هۆنەری چەند ساڵەیی پیر، بەختەکەی
هاتووە و لێی نوستووە، چ بکەم ئەمن؟!