بەجێ نایێ دەبێ ڕوو کەینە سارا
از کتاب:
دیوانی مەحوی
اثر:
محوی (1836-1906)
1 دقیقه
13115 مشاهده
بەجێ نایێ، دەبێ ڕوو کەینە سارا،
حەقی ئادابی مەجنوونی لە شارا
کە چەرخ ئەسکەندەری دی دەردەدارە
وتی: ئەم هەم بووە هەم دەردی دارا
هەتا حەق ناسیرە، هەر حەقمە مەنزوور
وەکوو مەنسوور ئەگەر بمکەن بە دارا
نەگەیمە ئەو جوانە و گەیمە پیرێ
مەدەد یا پیری پیرانی بوخارا
لە بەر زار و نەزارێ بوومە وەک پووش
دە ئەمجا ڕابوێرە من بە زارا
مەگەر تۆ عەرزی حاڵم کەی لە کن یار
قەڵەم، ساغی قسە، من نیمە یارا
لەڕم دی زاهید ئەم زستانە، زانیم
کلک نادا بە زڕپنگی بەهارا
وەرە دەستێ بە خوونم کە نیگارین
خوێنی من حەڵاڵت بێ، نیگارا!
زوو ئەو شۆخە لە عاشق وەردەچەرخێ
لەگەڵ کەس، چەرخە ئەو ناکا مودارا
موژەی خوێنێ دەکا هەر لەحزە، سەیرە
ئەمەندە گوڵ لە بن یەک نووکە خارا
کە شک بەم مەحویاتخلص هەر شەربەتی مەرگ
لە سەر ئەرزا نیە ئاوی گەوارا