لەسەر خورشیدی ڕوخسار نیقابی زوڵفی لاداوە
از کتاب:
دیوانی سامی عەوداڵ
اثر:
سامی عودال (1910-1985)
1 دقیقه
247 مشاهده
لەسەر خورشیدی ڕوخسار نیقابی زوڵفی لاداوە
لەبۆیێ موشتەری و سومبول خەجاڵەت مات و داماوە
چ بەزمێ بوو ئەوێ ڕۆژێ وەکوو یارم کە کۆچی کرد
وەکوو یوسفی یەعقووبی کە دەفرۆشا زولیخاوە
لە عەسری ئەو نەبوو هەرگیز گوتم نابێت و نەمزانی
نەزان بووم یار کە ئیرسێتی لە یوسف ڕا لەبۆی ماوە
خەریک بووم من بەبێ فلس و لە بازاڕی کڕینی ئەو
لەبۆیێ دڵ پەرێشانە لە ڕێی خەوف و خەتەر ماوە
وەکوو بولبول کە داماوە لە تاوی گوڵ دەناڵێنێ
کە وەی زانی مەیێ بۆ ئەو لەناو زاری قەدەح ماوە
بڵێن بولبول سەحەر ڕۆیی لەبەرچی مات و بێ دەنگی
بە شاهیدی نەسیمی دەم کە یار هێشتا لە خەو ماوە
بزانن دڵ نەکوژراوە خەریک ماوە لە دوو لاوە
بە داوی تا کەمەندی کرد بە پەنجەی سوور کە خوێناوە
دەڵێن سامیتخلص دەناڵێنێ کە کاری ئاهـ و ناڵینە
دەبا بۆ خۆی بناڵینێ لەبۆ بەختی هەتا ماوە