شیرین شەڕ جوورەن
از کتاب:
دیوانی خانای قوبادی
اثر:
خانای قبادی (1704-1778)
1 دقیقه
784 مشاهده
شیرین شەڕ جوورەن، شیرین شەڕ جوورەن
شۆخەن، شابازەن، بەیتەور شەڕ جوورەن
کڵێسا مەزهەب، تەرسا دەستوورەن
نیم نیگای نازش «يوم الحشورعربی»ەن
کەشیدەی قودرەت، ڕەشیدەی نوورەن
عەرەقچین سەرپۆش، تووک سموورەن
حەبەش ماڕانش، سوپای شەڕ جوورەن
گێسووش مەر کەمەند بەهرام کوورەن
قەترانی زوڵفش، سورمەی کۆی تورەن
هەر تایێ خاراج مولک لاهوورەن
بەو دیدەت قەسەم مەست و مەخموورەن
عەین غەزاڵەی چەریدەی چوورەن
ئونف ئاڵای بێگەرد، نە سوبح نوورەن
زوور مابەین لەیل و دەیجوورەن
سەف سەف چون سوپای شاهی تەیمورەن
جەنگئارا نە دەور جام فەغفورەن
خاڵت لەککەی سێب جەننەت دەستوورەن
هەرکەس ماچ کەرۆش جە دۆزەخ دوورەن
یە خانە واتەن جە زەینش دوورەن
دڵ تەنگ و تاریک، بیناییش کوورەن