şîrîn şeř cûren
From the Book:
Dîwanî Xanay Qubadî
By:
Khana Qubadi (1704-1778)
1 minutes
979 views
şîrîn şeř cûren, şîrîn şeř cûren
şoxen, şabazen, beytewr şeř cûren
kiłêsa mezheb, tersa destûren
nîm nîgay naziş «yum alḧişurArabic»en
keşîdey qudret, řeşîdey nûren
’ereqçîn serpoş, tûk simûren
ḧebeş mařanş, supay şeř cûren
gêsûş mer kemend behram kûren
qetranî zułfiş, surmey koy turen
her tayê xarac mulk lahûren
bew dîdet qesem mest û mexmûren
’eyn ẍezałey çerîdey çûren
unf ałay bêgerd, ne subiḧ nûren
zûr mabeyn leyl û deycûren
sef sef çun supay şahî teymuren
cengi’ara ne dewr cam feẍfuren
xałit lekkey sêb cennet destûren
herkes maç keroş ce dozex dûren
ye xane waten ce zeyniş dûren
dił teng û tarîk, bînayîş kûren