şîrîn teł’eteyn
From the Book:
Dîwanî Xanay Qubadî
By:
Khana Qubadi (1704-1778)
3 minutes
778 views
şîrîn teł’eteyn, şîrîn teł’eteyn
zułeyxa şêwey ḧorî teł’eteyn
mubeřřa bê’eyb, ce ser ta ne’leyn
’ekis pêşanît, «bedralkamlînArabic»
ẍezałan sîfet, mujanan ’eyn ’eyn
şems bîyen gonay, «şemsu almeşirqeynArabic»
bên ’etir’awêz, ’etren neş’eteyn
dindan lûlû terz, sułtan beḧreyn
ebrowan çun seyf meḧmûd ẍezneyn
hem«hil zulّe al’înArabic» kaf nûn ce beyn
şem’ şu’ley gonat, şewqel extereyn
bênit ’etir’amêz, ’etir û neş’eteyn
xał ce cay zenc, «şemsu almeşirqeynArabic»
kerden suraḧî, bezim zulqeřneyn
sîney arastey ustad kewneyn
meman bîm řeyan, baẍçey cenneteyn
pêmay naf pyałey mînay zemzemeyn
bilûren, safen, řukbe û řîcleteyn
ye xana waten, ḧorî neş’eteyn
meḧbûbiş kerden «babwalḧisnîynArabic»
qamet tûba terz şems ḧûrli’eyn
meḧfûzit kero «babwalḧisnîynArabic»
xaw xaw û nerim nerim, wêş wist ne pêwar
xane kerd we neqiş kendey řûy mezar
***
şîrîn şems şerq, şîrîn şems şerq
şîrîn ter ce şewq lîqay şems şerq
teyar kerd espab şedey yektay ferq
qerar da ne ferq pêşanî şem berq
wirşe wirşey çetir, egrîcey tawis
mer wirşey ser semûr, katib kawis
be mîqraz maçan, be çil çeng da keç
nerimter ce papil kerg kerkes beç
mer bab řewneq, seyf ebrotaq
mer ḧełqey ẍewwas, qeza ce afaq
řaqîfen ce ’eyn, çalak çerx fewq
’eyn fewqen ce ferq ẍezałan bê ferq
çerxina ne’leyn hat we guzerda
hey wey bat û xas meḧşera terda
xaw xaw û nerim nerim,wêş wist ne pêwar
xane kerd we neqiş kendey řûy mezar
***
zułeyxam zunnar, zułeyxam zunnar
çun cuqey tawis, zułf ḧełqey zunnar
pêşanîş çun bedir er bey heşt û çar
mer şerq şařox, xor’away êwar
mamełey sewday şi’rey hûnî xwar
êşiş çun ’eqreb dił da we azar
elf ałay me’cûn nefes boy bilẍar
boy mebo muşk xułasey ’ettar
leb çun peřey guł, sengerçey behar
mer ’eqîq ne dewr daney şehsiwar
pê beştey narinc sîney sedefkar
neşoy camewe, megryo çun nar
teşrîf berd we yorit, nesirgay pêwar
xane kerd we neqiş kendey řûy mezar