شیرین تەڵعەتەین
از کتاب:
دیوانی خانای قوبادی
اثر:
خانای قبادی (1704-1778)
3 دقیقه
766 مشاهده
شیرین تەڵعەتەین، شیرین تەڵعەتەین
زوڵەیخا شێوەی حۆری تەڵعەتەین
موبەڕڕا بێعەیب، جە سەر تا نەعلەین
عەکس پێشانیت، «بَدرالكاملينعربی»
غەزاڵان سیفەت، موژانان عەین عەین
شەمس بییەن گۆنای، «شَمسُ المَشرقَينعربی»
بێن عەترئاوێز، عەترەن نەشئەتەین
دندان لوولوو تەرز، سوڵتان بەحرەین
ئەبرۆوان چون سەیف مەحموود غەزنەین
هەم«هل ذُلَّ العينعربی» کاف نوون جە بەین
شەمع شوعلەی گۆنات، شەوقەل ئەختەرەین
بێنت عەترئامێز، عەتر و نەشئەتەین
خاڵ جە جای زەنج، «شَمسُ المَشرقَينعربی»
کەردەن سوراحی، بەزم زولقەڕنەین
سینەی ئاراستەی ئوستاد کەونەین
مەمان بیم ڕەیان، باغچەی جەننەتەین
پێمای ناف پیاڵەی مینای زەمزەمەین
بلوورەن، سافەن، ڕوکبە و ڕیجلەتەین
یە خانا واتەن، حۆری نەشئەتەین
مەحبووبش کەردەن «بابُالحسنيينعربی»
قامەت تووبا تەرز شەمس حوورلعەین
مەحفووزت کەرۆ «بابُالحسنيينعربی»
خاو خاو و نەرم نەرم، وێش وست نە پێوار
خانە کەرد وە نەقش کەندەی ڕووی مەزار
***
شیرین شەمس شەرق، شیرین شەمس شەرق
شیرین تەر جە شەوق لیقای شەمس شەرق
تەیار کەرد ئەسپاب شەدەی یەکتای فەرق
قەرار دا نە فەرق پێشانی شەم بەرق
ورشە ورشەی چەتر، ئەگریجەی تاوس
مەر ورشەی سەر سەموور، کاتب کاوس
بە میقراز ماچان، بە چل چەنگ دا کەچ
نەرمتەر جە پاپل کەرگ کەرکەس بەچ
مەر باب ڕەونەق، سەیف ئەبرۆتاق
مەر حەڵقەی غەوواس، قەزا جە ئافاق
ڕاقیفەن جە عەین، چالاک چەرخ فەوق
عەین فەوقەن جە فەرق غەزاڵان بێ فەرق
چەرخنا نەعلەین هات وە گوزەردا
هەی وەی بات و خاس مەحشەرا تەردا
خاو خاو و نەرم نەرم،وێش وست نە پێوار
خانە کەرد وە نەقش کەندەی ڕووی مەزار
***
زوڵەیخام زوننار، زوڵەیخام زوننار
چون جوقەی تاوس، زوڵف حەڵقەی زوننار
پێشانیش چون بەدر ئەر بەی هەشت و چار
مەر شەرق شاڕۆخ، خۆرئاوای ئێوار
مامەڵەی سەودای شعرەی هوونی خوار
ئێشش چون عەقرەب دڵ دا وە ئازار
ئەلف ئاڵای مەعجوون نەفەس بۆی بلغار
بۆی مەبۆ موشک خوڵاسەی عەتتار
لەب چون پەڕەی گوڵ، سەنگەرچەی بەهار
مەر عەقیق نە دەور دانەی شەهسوار
پێ بەشتەی نارنج سینەی سەدەفکار
نەشۆی جامەوە، مەگریۆ چون نار
تەشریف بەرد وە یۆرت، نەسرگای پێوار
خانە کەرد وە نەقش کەندەی ڕووی مەزار