سەیید سالار
از کتاب:
دیوانی خانای قوبادی
اثر:
خانای قبادی (1704-1778)
3 دقیقه
1147 مشاهده
سەیید سالار، سەیید سالار
یا ڕەسوولەڵڵا، سەیید سالار
سپەهدار تیپ، ڕۆی «يوم القرارعربی»
پەنای عاسییان، بەندەی شەرمەسار
پاسەبان جێش پەیغەمبەران گشت
باعس ئیجاد کولل زیبا و زشت!
حەیی بێهەمتا، تۆ کەرد جە خاسی
شفاخوای هەفتاد دو گرۆی عاسی!
جە ئەو ڕۆ سانیع دێبای کۆن بافتەن
مەتایێ چون تۆ هیچکەس نەبافتەن
«لم يزلعربی» بە سونع وێش فەخر ئاوەردەن
موختاری و چون تۆش«منخلقعربی» کەردەن
پەی تەسهیل ئەمر تۆ شای بێسیفات
«سَيَجعل الله بَعد عُسرعربی»ش وات
پایەی میعراجت عاری جە مەرئە
«سبحانَ الذي أسري بِعبِدهعربی»
شەرح داوەریت نە عاڵەم ڕەوان
مەزموون ئایەی «شَدِيدُ القويعربی»ن
«وحي منيفعربی»ت بەحر فتووحەن
شەرح «أوحينا إليكَ روحعربی»ەن
ئەنبیا و ئادەم گشت خاک پاتەن
«ومن دونِهِعربی»، تەحت لواتەن
بەقیەی عەسکەرت «رباط الخليلعربی»ەن
«أمَّن قانتٌ آناءَ اليّلعربی»ەن
توڕڕەی نەوازش تۆ کە ئەشهەرەن
«فَأما اليتيم، فَلا تَقهَرعربی»ەن
«كُنتُ نبياًعربی» هەرجا کە واتەن
«سَنُقرِئُكَ ، فلا تَنسيعربی»تەن
پایەیی «فاصبِر صبراً جميلاًعربی»
ئایەی «قُم اللَيلَ إلا قليلاًعربی»
تەوسیف نوتقت عاری جە ئەغوان
«وَما يَنطِقُعربی» هەم «عَن الهَويعربی»ن
بەندەی ئاستانەت گەردوون سروشتەن
«والسابقونَ الأولونعربی» گشتەن
شەمع مونیرە «الي مَعَ اللهعربی» نی
شای «قابَ قَوسَين أو أدنيعربی»نی
«ألم نَشرحعربی» شەرح، سینەی سافتەن
«والليلعربی» وەسف زوڵف سیابافتەن
سیراج کەونەین، شەمع مونیری
هەم «نَذيرُ الخلقعربی»، هەم موبەششیری
نییەن وێنەی تۆ سەیید «لولاكعربی»
شای «لَعَمرُكَعربی» تەخت «وما أرسلناكعربی»
زەڕڕەی فەیز لوتف تۆ پەنەش یاوان
عاسای موسەوی دەریا شکاوان
یاوان بە خەلیل سەرگەشتەی مەحزوون
جە فەیزت سەدای «قُل يا نارُ كُونعربی»
جە لوتف تۆ بی سەیید خاتەم!
بە ساحێب ئیعجاز، عیسای بن مەریەم
غەرەز شیس و نوح، شوعەیب و ئیدریس
ئیسحاق و ئەیووب، یەعقووب و جەرجیس
گشت فایز بە فەیز لاتەناهیتەن
غوبار پای تەخت پادشاهیتەن
نییەن وێنەی تۆ، سەیید پاکدین
تۆی شەفاعەتخوای زومرەی موزنیبین
تۆ بە وێت واتەن شای عالی مەقام!
«بُعثِتُ الي كافة الأنامعربی»
نەدارۆ خاناتخلص ئومێدێ بە کەس
خەتاش «لايحصيعربی»، بە فریادش ڕەس!
عەتای عامت کەر، شامیل بە حاڵش
جە سەیل عیسیان وێرانەن ماڵش!