سەیید سالار
لە کتێبی:
دیوانی خانای قوبادی
بەرهەمی:
خانای قوبادی (1704-1778)
3 خولەک
857 بینین
سەیید سالار، سەیید سالار
یا ڕەسوولەڵڵا، سەیید سالار
سپەهدار تیپ، ڕۆی «يوم القرارعەرەبی»
پەنای عاسییان، بەندەی شەرمەسار
پاسەبان جێش پەیغەمبەران گشت
باعس ئیجاد کولل زیبا و زشت!
حەیی بێهەمتا، تۆ کەرد جە خاسی
شفاخوای هەفتاد دو گرۆی عاسی!
جە ئەو ڕۆ سانیع دێبای کۆن بافتەن
مەتایێ چون تۆ هیچکەس نەبافتەن
«لم يزلعەرەبی» بە سونع وێش فەخر ئاوەردەن
موختاری و چون تۆش«منخلقعەرەبی» کەردەن
پەی تەسهیل ئەمر تۆ شای بێسیفات
«سَيَجعل الله بَعد عُسرعەرەبی»ش وات
پایەی میعراجت عاری جە مەرئە
«سبحانَ الذي أسري بِعبِدهعەرەبی»
شەرح داوەریت نە عاڵەم ڕەوان
مەزموون ئایەی «شَدِيدُ القويعەرەبی»ن
«وحي منيفعەرەبی»ت بەحر فتووحەن
شەرح «أوحينا إليكَ روحعەرەبی»ەن
ئەنبیا و ئادەم گشت خاک پاتەن
«ومن دونِهِعەرەبی»، تەحت لواتەن
بەقیەی عەسکەرت «رباط الخليلعەرەبی»ەن
«أمَّن قانتٌ آناءَ اليّلعەرەبی»ەن
توڕڕەی نەوازش تۆ کە ئەشهەرەن
«فَأما اليتيم، فَلا تَقهَرعەرەبی»ەن
«كُنتُ نبياًعەرەبی» هەرجا کە واتەن
«سَنُقرِئُكَ ، فلا تَنسيعەرەبی»تەن
پایەیی «فاصبِر صبراً جميلاًعەرەبی»
ئایەی «قُم اللَيلَ إلا قليلاًعەرەبی»
تەوسیف نوتقت عاری جە ئەغوان
«وَما يَنطِقُعەرەبی» هەم «عَن الهَويعەرەبی»ن
بەندەی ئاستانەت گەردوون سروشتەن
«والسابقونَ الأولونعەرەبی» گشتەن
شەمع مونیرە «الي مَعَ اللهعەرەبی» نی
شای «قابَ قَوسَين أو أدنيعەرەبی»نی
«ألم نَشرحعەرەبی» شەرح، سینەی سافتەن
«والليلعەرەبی» وەسف زوڵف سیابافتەن
سیراج کەونەین، شەمع مونیری
هەم «نَذيرُ الخلقعەرەبی»، هەم موبەششیری
نییەن وێنەی تۆ سەیید «لولاكعەرەبی»
شای «لَعَمرُكَعەرەبی» تەخت «وما أرسلناكعەرەبی»
زەڕڕەی فەیز لوتف تۆ پەنەش یاوان
عاسای موسەوی دەریا شکاوان
یاوان بە خەلیل سەرگەشتەی مەحزوون
جە فەیزت سەدای «قُل يا نارُ كُونعەرەبی»
جە لوتف تۆ بی سەیید خاتەم!
بە ساحێب ئیعجاز، عیسای بن مەریەم
غەرەز شیس و نوح، شوعەیب و ئیدریس
ئیسحاق و ئەیووب، یەعقووب و جەرجیس
گشت فایز بە فەیز لاتەناهیتەن
غوبار پای تەخت پادشاهیتەن
نییەن وێنەی تۆ، سەیید پاکدین
تۆی شەفاعەتخوای زومرەی موزنیبین
تۆ بە وێت واتەن شای عالی مەقام!
«بُعثِتُ الي كافة الأنامعەرەبی»
نەدارۆ خاناناسناوی ئەدەبی ئومێدێ بە کەس
خەتاش «لايحصيعەرەبی»، بە فریادش ڕەس!
عەتای عامت کەر، شامیل بە حاڵش
جە سەیل عیسیان وێرانەن ماڵش!