کیژی کوێستان

از کتاب:
دیوانی حەقیقی
اثر:
حقیقی (1902-1996)
 2 دقیقه  741 مشاهده
دەزانی چۆنە وا ماوم؟ لە عیشقی دڵبەرە مانم
دەپرسی بۆچی داماوی؟ لە دەستی یارە دامانم
دڵەی پەروانەکەم تینی شەمی ڕووتی نییە بۆیە
وەکوو پەروانە سووتاوم وەکوو شەم دیدەگریانم
بە شمشیری برۆ و تیری موژەت کاری کرا جەرگم
شەهیدی مەعرەکەی شمشێری ئەبرۆ و تیری موژگانم
لە دووری چاوەکانت چاوەکەم حوکمی نەما چاوم
کراسی یۆسفە دەرمانی چاوی پیری کەنعانم
لەبەر خەم چەم دەبارێنێ لەسەر مەزرای دڵم ئەسرین
مرادم شین نەبوو گەرچی پەڵەی دا هەوری بارانم
تەهومتەن بۆ جگەرگۆشەت گەلێ پێویستە نۆشداروو
بە نووکی خەنجەرت جەرگم بڕا داماوی دەرمانم
ئەگەر تۆ لەیلەکەی بێ مەیلەکەی سەرخێڵەکەی نازی
منیش مەجنوونەکەی ئاوارەکەی دەشت و بیابانم
بەهارە و کاتی گوڵ پشکووتن و دەرکەوتنی خێڵە
بە هیوای دیتنی باڵانەمامی کیژی کوێستانم
دڵم سووتا وەکوو پەروانە فرمێسکی شەمە ئاوم
وەکوو بولبول لە عیشقی خونچە جەرگی لەت لەتە دانم
«لسان الغيبعربی»ی شیرازیشخص مەیی باقی دەوێ ساقی
منیش موحتاجی تۆم و چاو لە دەستی خێر و ئیحسانم
لەبەر چاوی حەقیقیتخلص باغی میراوا موسەللایە
گەواراتر لە ڕوکنابادە ئاوی حەوزی بۆکانم