تەم ڕەوێن
از کتاب:
دیوانی حەقیقی
اثر:
حقیقی (1902-1996)
2 دقیقه
638 مشاهده
کورتە چیرۆکی بەسەرهاتی ژیان
چاری ناکا دەفتەری حەفتا مەنی
من گوتم حەوسەد مەنی پێ ڕا دەگا
ئەو سەری لێ ڕاوەشاندم پێکەنی
بەرهەمت چی بێ لە شیناوەردی ژین
کاتی شین بابردەڵەی بەر با و شەنی
ویشکەڵی تاوسووتە، شەمچێکی بەسە
کۆنە کۆخێکی بە چرپیمان تەنی
لای من و تۆ رایجە دنیا، دەنا...
رایجێکی نایەنێ دنیای دەنی
غەیری مەڵبەندی ژیانم چونکە ئەو
وەک بەهەشتە دەشت و کێو و بەندەنی
«تحتها الانهارعربی»ە جۆبار و چەمی
ڕەوزەیی ڕزوانە باغ و چیمەنی
کاتی خەرمانی گوڵانی کێو و کەژ
بەرز و نزم و شیو و دۆڵ و چڕگەنی
نەخشی بێ پەڕگاری سەر سینەی زەوین
موستەقیم و موستەتیل و مونحەنی
وردە ئەڵماسی پڕیشکی قەڵپەزەی
ئاوی هەڵدێران کەژی کردن خەنی
سوورە لەم مەستوورەیە باغی ئیرەم
کوا خەوەرنەق کۆخی ئەفگەن ئەفگەنی
ئەی گوڵی ئاواتم ئەی سروەی ئومێد
بۆنی تۆ دێ بۆیە بولبول ڕاچەنی
گەرچی نەوبووکی بەهاری نیشتمان
دڵڕفێنە بەژن و باڵا و دیمەنی
تۆی لەسەر چاوی خەواڵوو تەم ڕەوێن
تۆ لە قووڵایی دڵان خەم هەڵکەنی
خەمڕەوێنی گیانەکەم زوو زوو وەرە
وا «حەقیقیتخلص» چاوەڕێتە ئەزبەنی