شاکەلی وە شای گردین نازاران
از کتاب:
دیوانی شاکەلی
اثر:
شاکلی (1905-1980)
1 دقیقه
500 مشاهده
شاکەلی وە شای گردین نازاران
وە شادی وادەی وەسڵی دڵداران
نامەت چون شمشاد شاد بیم وە نامەت
جەڕاسی موبەت جە سەفای خامەت
نەواچی مەیلش مایل وە نەقسەن
بێ مەیلیت بەدەن جەستەی بێ نەفسەن
هەر فوغانمەن شەوان تا سەحەر
بێ لیقای باڵای ئەو سەروی دڵبەر
چون موئەزینان منارەو مینبەر
ناڵە ناڵمەن «اڵلة اكبر»عربی
گەردی پای ئەحمەدتخلص پەی سوورمەی دیدەم
سوورمەن پەی عەینەین ڕەمەد ڕەسیدەم
سا خودا بەفەزڵ بێ نیهایەتش
بە ئیحسان تام پڕ عینایەتش
حەشەرما کەرۆ چەنی دڵداران
جە سایەی لیوای شای لیواداران
شایەت سەعاتێ سەعادەت یار بۆ
دڵ وەچەم مەعموور سەیری سەرکار بۆ
نایل وە عوشرەت چەنی عوشرەتش
شاد بوو وە لیقای مینای حەزرەتش