şakelî we şay girdîn nazaran
From the Book:
Dîwanî Şakelî
By:
Sheikh Ehmed Shakeli (1905-1980)
1 minutes
507 views
şakelî we şay girdîn nazaran
we şadî wadey wesłî diłdaran
namet çun şimşad şad bîm we namet
ceřasî mubet ce sefay xamet
newaçî meyliş mayl we neqsen
bê meylît beden cestey bê nefsen
her fuẍanmen şewan ta seḧer
bê lîqay bałay ew serwî diłber
çun mu’ezînan minarew mînber
nałe nałmen «ałilة akbir»Arabic
gerdî pay eḧmedPen name pey sûrmey dîdem
sûrmen pey ’eyneyn řemed řesîdem
sa xuda befeził bê nîhayetiş
be îḧsan tam piř ’înayetiş
ḧeşerma kero çenî diłdaran
ce sayey lîway şay lîwadaran
şayet se’atê se’adet yar bo
dił weçem me’mûr seyrî serkar bo
nayl we ’uşret çenî ’uşretiş
şad bû we lîqay mînay ḧezretiş