ئەو دولبەرە...
از کتاب:
دیوانی فایق بێکەس
اثر:
فایق بیکس (1905-1948)
1 دقیقه
1046 مشاهده
عالەم ئەکاتە مەخسەرە
بۆ سەیری خۆی ئەو دولبەرە
نەسیحەتت ئەکەم وەرە
باوەڕ بەوەعدی ئەو نەکەی...
***
قسەی شیرینە، شیلەیە
ئەو چاو شینەی خنجیلەیە
بەناز و مەکر و حیلەیە
باوەڕ بەوەعدی ئەو نەکەی...
***
هەرچی ڕەنجێ لەگەڵ ئەوا
بدەی ئەچێ بەبای هەوا
ڕەزیل ئەبیت و بێ نەوا
باوەڕ بەوەعدی ئەو نەکەی...
***
هەزاران گیر و دەسخەڕۆ
ئەکات بەفیشاڵ و درۆ
نەتیجەش پێت ئەڵێ بڕۆ
باوەڕ بەوەعدی ئەو نەکەی...
***
خۆتی فیداکەی هەر کەمە
خەڵاتی ئەو دەرد و غەمە
بێکەستخلص بەسیەتی چیت لەمە
باوەڕ بەوەعدی ئەو نەکەی...