یار کە دێتە سەر گۆل و ئەستێرە
از کتاب:
دیوانی سەیفولقوزات
اثر:
صیف القضات (1876-1945)
4 دقیقه
1027 مشاهده
یار کە دێتە سەر گۆل و ئەستێرە
سەیری وی دەکەن مانگ و ئەستێرە
ڕووناکی ڕووی بوو یا ڕوونی ئاسمان؟
کە دێ بۆ کێوی دەبا گاگێرە
دەگەڵ یار، لەبن سێبەری پاڵان
چەن خۆشە دۆی سارد، دەگەڵ کولێرە
خۆزگەم بەو شوانە لەدووی مێگەلان
یارم بە زولفان دەکا هاوێرە
شەرتەشوانیم ئەوەندە بەس بێ
یارم بێری بێ، بێتە بەر بێرە
بە تیری نازت جەرگم بڕاوە
بۆ چی بە تفەنگێ لێم دەگری سێرە
کوڵمەسوورەکەی گوڵەمێلاقە
لەدەورەی خاڵان بەڕیز بژمێرە
لە باغی جوانیت وەختی زەکاتە
فەقیری خۆتم، هەر بۆ من خێرە
بە ڕشتەی زولفان دڵم نێچیرە
لە داروبەردی بەس دە، مەیگێڕە
هەر ناڵەی منە لە دۆڵ و نواڵان
نەک فیتەی شوانە و دەنگی بلوێرە
زولفی وەک شەوەی ڕۆژی کردمە شەو
چرای سەرکوڵمەم لەبۆ ڕادێرە
هەر کەس عیشقی تۆی لەسەردا نەبێ
بێ شک حەیوانە، پڕ و پانێرە
کردمە سەر باسکان: هەر ئاشبەتاڵمە
هەر بەو ئومێدەی یارم ئاشێرە
هەر تەمادارم ئەوڕۆ و سبەینێ
زوو وەرە مەیکە بە دوێنێ و پێرە
وەک مەجنوون لەدووت کەوتمە کێو و دەشت
ڕەفیقم گورگ و پڵنگ و شێرە
خۆیانی خەیاڵ مابێ غەم نابێ
بەتای زولفانی یار شەنەدێرە
عەزیز! ئەوانە شیعرن بە مەرگت
موخلیست بێ تۆ وەجاغی کوێرە
کوێستانی دووریت هەر زەردوماهە
تەرت و لابەلا، ڕژد و هەڵدێرە
باری فیراقت پشتی شکاندووم
بەسەرمدا دێ، دەڵێی تاوێرە
سەرباری دووریت شانمی جدەو کرد
بە تا و توورەکە، بە هۆڕ و تێڕە
عیشقت لەسەرم قەت ناچێتە دەر
لەسەر سەریشم بگێڕن گێرە
هەمیشە برسی سەرسفرەی وەسڵم
لە شەهدی لێوت قەت ناخۆم تێرە
بۆ هەر جێ دەچی، دڵ بەدووتەوە
کۆنەڕاوکەرە، دیارە شوێنگێڕە
هەر تۆوی مەیلی تۆم لە دڵدا چاند
تەرخانەکەی خۆت کۆنەجووتێرە
گەنمە مەلای بێ زیزانە و زیوان
بێ پۆڵکە و چێودان، گورگە و گلێرە
شینە، گوڵی بەست، سەرمای دەرناوە
ڕیشەی داکوتا، چونکە سەردێڕە
لە ئەشکی زۆرم عەرزیش پەڵەی دا
بەندیش شکاندی حەسەنتخلص ئاودێرە
تەشک و دامێنم تەڕەکەشاوە
جۆگەی چاو خوڕە، سەربەرەژێرە
خەرمانی عەیشم لە کای غەمدا، ما
کزەی شەماڵی مەیلت بنێرە
لە ترسی ساڵان، زۆرم چاندووە
جۆشین و وێنجە، شەودەر، کەنێرە
ئەگەر دەپرسی کاری ئەو بەینەم
ئاش و وشترخان، هۆڵ و سەرگێرە
سێ چوار ڕۆژ بێ تۆ چوومە خانەقا
یادت شوغڵم بوو، هەر لەوێ و لێرە
بۆ سەر مەرقەدێ، پێش نوێژان دەچووم
ڕێگاکەی قوڕ بوو، بە گێڕەگێڕە
لە خزمەت شێخی یادم زۆر کردی
لەنێو خەتمیشدا بەخودام بسپێرە
فەیز و بەرەکەت وەک باران دەڕژا
هەر کەس بەڕاست بێ، ئاخربەخێرە
هەر کەس لە پەنای شێخیدا نەبێ
حیزی نەفسیە، شەیتان پێی فێرە
ئەگەر دەتەوێ دنیا و قیامەت
ڕووی خۆت لەو دەرکەی قەت وەرمەگێڕە
نێوی شەمسەددین، ڕۆژە کە هەڵدێ
هەروەک چەکچەکی هەڵدێ ئەو کوێرە
هاتنی ئەو دەرکە لە دەست خۆت مەدە
سەر و ماڵی خۆت بێرە بسپێرە
بۆ سەیری «دەروو» دەروونم خوێنە
بۆ «کانی سپی» فرمێسکم سوێرە
کانی بەردینەاعلام ئاوی حەیاتم
بە «کانی قازی» دڵم زەنوێرە
لە «یەنگی دنیا» تاکوو «کەڵتەگگە»
هەڵاڵە و بەیبوون، سوێسن و شلێرە
کانی لەتیفاعلامی، «زنەی بەرباغی»
کانی گەوهەرە، مەعدەنی زێڕە
لە دوور دیارە «چل ئەسحابە»کەی
بنەی دوندی ڕەشاعلام جێی لانی شێرە
جێی دێی کولتەپەاعلام تەپەی گوڵانە
ڕێپێڵگەی میوان، جێگەی جوامێرە
بەندم کرمانجین، زۆرت پێ خۆش بێ
حەسەنتخلص کرمانجە گوێ ڕە وی دێرە