لە دڵ تاقەت نەما یارم کە وای کرد

از کتاب:
دیوانی خادیم (بەرگی ١)
اثر:
خادم (1895-1953)
 1 دقیقه  835 مشاهده
لە دڵ تاقەت نەما یارم کە وای کرد
بڕی بەندی جگەر یارم کە وای کرد
بە بۆنەی خاڵی کەوتە داوی زوڵفی
گورفتارە دڵم چونکی خەتای کرد
بە قانوونی تەجەننون کردی زنجیر
لەبۆ تەئدیب، تەعزیب و جەفای کرد
لە مەشقی عاشقی بوو چوونە سەردار
فەریزەی خۆی بو مەجنوون وا ئەدای کرد
لەسەر ئەم دارە بوو وا بووەتە سەردار
ڕۆحێکی بوو لە ڕێی عیشقا فیدای کرد
لە باغی کامەرانی وەسڵی مەعشووق
لە هەر لایەکەوە سەیر و سەفای کرد
کە وا بوو خادیماتخلص تۆش وابە بۆ خۆت
لە عیشقا نامری هەر کەس کەوای کرد