من لە گوڵزاری ئەزەل گیراوی داوی زولفی تۆم
از کتاب:
دیوانی سەیفولقوزات
اثر:
صیف القضات (1876-1945)
1 دقیقه
1095 مشاهده
من لە گوڵزاری ئەزەل گیراوی داوی زولفی تۆم
بەس بدە چەرخم لەسەر، بازم! کە تەیری دەستەمۆم
تا سەری زولفت ڕفاندی دڵ لەبۆ نێو ئاوری ڕووت
سۆزشم خوارد و وەکوو ماری سەر ئاور خەم دەخۆم
بۆ تەوافی کەعبەیی کۆی شەمسی دینە، وا حەسەنتخلص!
هەر وەکوو مزرەق بە هەر مەرز و دیارێ خول دەخۆم
بۆ تەمای ئاوی بەقا، دڵ کەوتە نێو زوڵماتەوە
دەستی من دامانی زولفت، پێم بڵێ بۆ کوێ بڕۆم؟
قووەتی قەلبم کە تۆی و قووتی ڕۆحم عیشقتە
بۆچ دەبێ باکم لە ماسیوا ببێ، خەم بۆ چی بخۆم؟
یۆسفی میسری ویلایەت! ئەی خەلیلی باغی قودس!
ناری نەمروودە دەروون بێ تۆ، دووچاوم بۆتە چۆم
من بەسەر کەوتوومە بەر پێ، زولفی چەوگان بادەوە!
هەر لە تفڵی، من ئەسیری لوعبەتی چەوگان و گۆم