من تەعەججوب دەکەم لە هیممەتی تۆ
بۆ کەریم ئاغای قونقەڵا نووسراوە
از کتاب:
دیوانی مەلا مارف کۆکەیی
اثر:
ملا مارف کوکه‌یی (1875-1945)
1 دقیقه
945 مشاهده
من تەعەججوب دەکەم لە هیممەتی تۆ
لە جەوانمەردی و فتووەتی تۆ
لە بوزورگی و بەخشش و کەرەمت
سووڕەتی پاک و حوسنی سیرەتی تۆ
سامیعەی کەس نییە کە خاڵی بێ
لە سەدایی عەتا و شۆهرەتی تۆ
فیلمەسەل میسلی خوانی یەغمایە
سوفرەیی بێ‌بەها و میننەتی تۆ
بۆ دەبێ شاعیرێکی وەک ئێمە
بێ‌بەش و بەهرە بێ لە نیعمەتی تۆ
من شتێکی وەها تەڵەب ناکەم
خاریجی ئیقتیدار و قودرەتی تۆ
بارە ئاردێ بە وەزنی شەش پووتی
لە گوڵی خەرمەنی موحیببەتی تۆ
زۆرە بۆ ئێمە، هیچ کەمی نابێ
وەزن و میقدار و ماڵ و دەوڵەتی تۆ
شێعری بێ جایزە و سیلە و ئینعام
زۆر بەعیدە لە زات و غیرەتی تۆ