لێرە لە چاکە و نەزاکەت گەڕێ
از کتاب:
پەندەکانی پیرەمێرد
اثر:
پیرمرد (1867-1950)
1 دقیقه
1498 مشاهده
لێرە لە چاکە و نەزاکەت گەڕێ
کوتەک لە بەهەشت هاتۆتە دەرێ
زۆر جارم وتوە خەڕۆ بێ گوێیە
کوتەک دەزانێ قۆناغ لە کوێیە
ئەگەر خوا باڵی بە فیل بدایە
ئەبوو سەربانمان گشت بڕووخایە
خۆت هەڵمەکێشە و مەڕۆ بە عینوان
تفەنگ بۆ نیشان ئەسپیش بۆ مەیدان
ئێستا وا لێمان کەوتنە بەهانە
بەدەست خەڵکەوە بێڵ زۆر ئاسانە
شوهرەت ئافەتە لێت نابێتەوە
جام بشکێ بەڵام نەزرینگێتەوە
شەڕی ئیتالیا گرانی پێیە
کەر لە کوێ کەوتوو کوندە لە کوێیە
توخوا لێی گەڕێ با حاڵمان وا بێ
تالعی ئێمە ئەبێ شۆربا بێ
بە تەقویم سەرمای ئەمساڵ خەتەرە
مەکتەبەکەیشمان لە شار بەدەرە
لە مەعاریف دا هەر شار بەدەرین
بۆیە وەک خاکین هەر خاک بە سەرین