ئەو دەمە بەختم لێ بوو بەدوژمن
از کتاب:
پەندەکانی پیرەمێرد
اثر:
پیرمرد (1867-1950)
1 دقیقه
953 مشاهده
ئەو دەمە بەختم لێ بوو بەدوژمن
کە کەرە دێزەم بوو بە ڕمووزن
ئەو دەمە هۆشم لێ شێوا و وەستام
کە هەرچی هەڵسا وتی ئاش وەستام
خزمەتی دەکەم هێشتا لێم ساردە
تۆخوا مەلاگەل! ئەمیشە ئاردە؟!
دەوڵەمەند پارەی بەکەس نەداوە
پارەپەرەستی ئەڕوا لە دواوە
ئەوی پێی ئەڵێن: وا بڕۆ دەڕوا
بە هیچ قەولێکی ناکرێ بڕوا
ئەوی جڵەوی خۆی دایە دەس خەڵک
ناوی نراوە زەبوون و بێ کەڵک
زەردەواڵەمان جارێ ئاڵۆزاند
نانی شوانمان خوارد، گەوجیمان نواند
لە هەر دوو لاوە تووشی جەزا بووین
تەمێمان نەخوارد دیسان تێهەڵچووین
تاریکایی شەو ئێوارە دیارە
ئەڵێن خاکەکەی بەدە ئەم شارە