دوو چاوم خوێن ئەبارێنێ لە عیشقی ڕوومەتی ئاڵت
از کتاب:
دیوانی ئەحمەد موختار جاف
اثر:
احمد مختار جاف (1896-1935)
1 دقیقه
1615 مشاهده
دوو چاوم خوێن ئەبارێنێ لە عیشقی ڕوومەتی ئاڵت
گرفتارە لەناو زوڵفت دڵم بۆ دانەیی خاڵت
خوا کەی بێت کە من پەشتانی باڵا و قامەتی تۆ بم
چ وەختێ پڕ بە چنگ بگرم دوو لیمۆی نەوڕەسی کاڵت
نەخۆشی خۆشترە لای من لە ساغی و سیححەت ئەی جانا
ئەگەر یەک هەفتە جارێ بێی بپرسی چۆنە ئەحواڵت
بە شاهیی عالەمی ناگۆڕمەوە ئەمڕۆ لە دنیادا
جنێو و توندی و قەهر و قسەی نالایق و تاڵت
نیگارا لێم ئەپرسی بۆ چی وا دێوانەیە ئەحمەدتخلص
لە عیشقی چاوی تۆیە چاوەکەم وا بووم بە عەوداڵت