یەخەی خۆی دادڕی گوڵ یار کە مەیلی گوڵستانی کرد
از کتاب:
دیوانی ئەحمەد موختار جاف
اثر:
احمد مختار جاف (1896-1935)
1 دقیقه
1170 مشاهده
یەخەی خۆی دادڕی گوڵ یار کە مەیلی گوڵستانی کرد
لە داخی قامەتت سەرویش لە باڵای خۆی کەمانی کرد
لە تارمەی ڕوو بە مەغریب خۆی نیشاندا ئەو کڵاولارە
وتم یاران کە حەشرە ڕۆژ لە مەغریب وا عەیانی کرد
ڕەقیب شەرتە لە داخت تەرکی کەم من بەندەییی یارم
دڕک سا مژدە بێ بولبول کە تەرکی ئاشیانی کرد
شەشی ئەیلوول ئەزانن ئێوە ئەی قەومی وەفاکردار
ئەوە ڕۆژێ بوو دوژمن قەتڵوعامی کوردەکانی کرد
بوتی پەیمانشکێن ئەی کافری بێ ڕەحم و بێ مروەت
لە داخت ئەحمەدتخلصی بێچارە وا تەرکی ژیانی کرد