یەخەی خۆی دادڕی گوڵ یار کە مەیلی گوڵستانی کرد
لە کتێبی:
دیوانی ئەحمەد موختار جاف
بەرهەمی:
ئەحمەد موختار جاف (1896-1935)
1 خولەک
1168 بینین
یەخەی خۆی دادڕی گوڵ یار کە مەیلی گوڵستانی کرد
لە داخی قامەتت سەرویش لە باڵای خۆی کەمانی کرد
لە تارمەی ڕوو بە مەغریب خۆی نیشاندا ئەو کڵاولارە
وتم یاران کە حەشرە ڕۆژ لە مەغریب وا عەیانی کرد
ڕەقیب شەرتە لە داخت تەرکی کەم من بەندەییی یارم
دڕک سا مژدە بێ بولبول کە تەرکی ئاشیانی کرد
شەشی ئەیلوول ئەزانن ئێوە ئەی قەومی وەفاکردار
ئەوە ڕۆژێ بوو دوژمن قەتڵوعامی کوردەکانی کرد
بوتی پەیمانشکێن ئەی کافری بێ ڕەحم و بێ مروەت
لە داخت ئەحمەدناسناوی ئەدەبیی بێچارە وا تەرکی ژیانی کرد