بێ تاقەت و مەحزوونە ئەم دڵمە لەبۆ دینت
از کتاب:
دیوانی ئەحمەد موختار جاف
اثر:
احمد مختار جاف (1896-1935)
1 دقیقه
2246 مشاهده
بێ تاقەت و مەحزوونە ئەم دڵمە لەبۆ دینت
ڕەحمێ بکە سا قوربان دەرخە ڕوخی ڕەنگینت
شەهد و شەکەر ئەی قوربان بازاڕی شکا یەکجار
لەو وەقتەوە وا دەرکەوت لەعلی لەبی شیرینت
گریەی منی بێچارە شام و سەحەر ئەی دڵبەر
ئەسڵەن نییە تەئسیری لای ئەو دڵی سەنگینت
نەسرین و گوڵ و لالە مەحجووب ئەبن و والە
گەر لابدەی ئەو بورقەع، دەرخەی تەنی سیمینت
حوور و پەری و غیلمان بێ قەدرە لەلای ئەحمەدتخلص
لەو وەقتەوە وا دیویە ڕوخساری نیگارینت