شاها ئەتوو شاهێکی لەسەر تەختی کەماڵی
بازی عیراقی
از کتاب:
دیوانی موخلیس
اثر:
مخلص (1910-1985)
1 دقیقه
1007 مشاهده
شاها ئەتوو شاهێکی لەسەر تەختی کەماڵی
جارێکی بپرسە لەگەدای خۆت چییە حاڵی
ڕووی مانگی شەوی چاردەیی ئەییامی بەهارە
ئەوخاڵی لەسەر ڕووی بووەتە نەقشی جەماڵی
کەوتوومەتە ژێر هەڵمەتی بازێکی عیراقی
ڕۆم و عەجەمی دەینمە ژێر سێبەری باڵی
بۆ بچمە دەری ناکەس و نەودەوڵەتی ئەوڕۆ
هەر دێمەوە دەرگانەیی تۆ، تۆ بنەماڵی
جامێکی بە فتوا کە حەرامە بدە ساقی
جامێکی لە خوێنم ئەتوو نۆشکە بە حەڵاڵی
دەڕوا وەکوو خەو وەسڵ و فیراق و هەموو ئەزداد
دونیا چ سەباتێکی نییە شیرن و تاڵی
پێی ناکرێ دەست هەڵگری موخلیستخلص لە مەحەببەت
تا پیر دەبی هەر دێتەوە سەر دەوری مناڵی