خۆگێلکردن
یەکێکی تر لە جوانکاری گوزارەیی «خۆگێلکردن»ە. ئەم چەمکە لە گوزارشتی عەرەبیدا پێی ئەڵێن «تجاهل العارف». لام وایە خۆگێل کردن چەمکەکە زیاتر ئەدا بە دەستەوە. ئەمەش ئەبێ بە چەند بەشێکەوە. بەشێکیان ئەوەیە کە:
شتێک هەیە ئەیزانێ بەڵام خۆی لێی گێل ئەکا!. ئەم خۆگێل کردنەش یا لەبەر ئاە و دەردێکە کە دڵی بەو مەبەستەوە بەندە و لەبەر دڵ برینداری نایەوێ ناوی بێنێ، وە یا لەبەر ڕێ گومکێ ئەم ئیشە ئەکا.
وێنەی ئەمە وەکوو «مەحەممەد ئەمین خدر» - کە پشت ماڵەیەکی جاف بووە و - قسە لەگەڵ شارەزوور ئەکا و ئەڵێ:
بەشێکی تر لەم گێل کردنە هووشەکاریەکی زیاد لە ئەندازەیە. وێنەی ئەمە وەکوو «سالم»ی سنە لە وەسفی دۆستیا لە کاتێکا کە پێکەنیوە ئەڵێ:
وە یا هووشەکاری لە خوسپدا. وەکوو «شێخ ڕەزا» ئەڵێ:
وە یا لە سەرسامی لە خۆشویستندا - «التدلُّه في الحب» - مەبەست ئەوەیە ئەوەندە خۆشی ئەوێ، خۆی تێدا ون کردووە و خۆی ئەکا بە نەشارەزا!.
وێنەیەک لەم بابەتە وەکوو «نووحی» ئەڵێ:
لێرەدا لەبەر زۆر دڵبەند بوون بە یارەوە، خۆی گێل ئەکا و ئەڵێ: کۆترەکان! ئەو نازدارەی من کە کەوتۆتە ناوتان، سوێندتان ئەدەم بە خوا ئەوە لە ئێوەیە؟ یا ئینسانە!.