تەخمیسی غەزەلی حافیزی شیرازی لە لایەن مەلا مستەفا عاسی

از کتاب:

دیوانی عاسی

اثر:

ملا مصطفی عاصی (1885-1975)

3 دقیقه 1036 مشاهده

زبان:

کردی مرکزی

قالب:

مخمس

وزن:

گزارش اشتباه

وضعیت بازبینی:

نیازمند ویرایش

آخرین ویرایش:

2020/04/15 - 05:55

افزودن:

2020/04/15 - 05:55

فونت:

هەموو عالەم بزانن من بە شوێن چیدا کە ئاوارەم

ئەم قیتمیری ئەسحاب و ڕڕەقیمی مورشیدی بیارەم

لە شوکری نیعمەتی لوتفی هەموو کاتێ لە دەربا ڕەم

زەمانێکە بە شەوقی دڵ خەریکی فیکری ئەم هۆیەم

قوماشێکی غەزەل دەرکەم بە ئەم تان و بە ئەم پۆیەم

بە کوردی و فارسیم نووسی بە ناو و شوهرەتی کۆیەم

بیحەمدیللا نەجاتمان بوو لە ڕێگەی ناحەق و باتیل

ئیتر تا ماوی خۆت لادە لە حیلەی ڕێگری جاهیل

نەکەی دەستت ئەتۆ بەردەی لە دامێن مورشیدی کامیل

لە سنفی دائیرەی سەفوەت دەزانم یەککەم و تاقی

ئەمن مەینۆش و بێ پەروام ئەتۆش لەم مەجلیسە ساقی

منیش بۆیە گرفتارم لە دەست چاوت بە مشتاقی

لە دەست سولتانی عیشقایە دڵی عالەم منی بەندەش

دڵی کردمە ئەسیری خۆی لە ئەم سینە و قەڵا بەندەش

سکەندەر تووشی داوی بوو بەخۆی و حیشمەت وسەددەش

بەڕاستی هەرچی عاشق بێ دروست بێ عەهد و پەیمانی

ویساڵی دڵبەری نادا بە تەخت و تاجی سولتانی

تەماشای گفتوگۆ ناکەی لە مەعنا و لەهجەیی جوانی

حەسوودی بەد ڕەوشت بەسیە ئیتر مۆرێک لە سەردەم نێ

دەبا ساتێک لە ترسی تۆ دڵم بێ گەرد و بێ غەم بێ

ئەتۆش ماندوو مەبە چیتر دەمێکە چاوت لە سەریەک نێ

بە چاوی حەق تەماشا کەن وەرن ئەی یار و بێگانە

ببینن چەهرەیی یارم کە چەندە نازک و جوانە

منیش هەربۆیە سەرخۆشم بە ئەو دووچاوە مەستانە

لە هەشتا تێپەڕی عومرم موسلمانم بفضل اللە

وەکوو بولبول لەناو گوڵشەن غەزەلخوانم بعون اللە

لە مەدحی یار هەتا دەمرم سەنا خوانم بحول اللە

ئەمن م و بێ بەهرە بە قانوونی شەرع ئەمما

لەبۆ چارەی برینی دڵ بە غەیرەز ڕێی وەرەع نەمما

عەلائەددینە ئیمدادم جەزەع یاخود فەزەع نەمما

1972/06/31

کۆیە

تەخمیسی قەسیدەی حەزرەتی ئەبووبەکری سدیق بە کوردی تەخمیسی غەزەلی شێخ ئەنوەرم کردووە لە ھەولێرەوە ناردبووی لە بابەت ئایەتی (لن ترانی) و (قاب قوسین)